OĐĐASAT . SAERNIE . NYHETER
SÁMi ođasmagasiidna . 48 . 2018
Stáda gohčoda Pedera
20 jagi áigi son oaččui eagis doalu. Eiseválddiid beales šattai ollu moivi ja 2016:s son massii visot boazodoallorivttiid. Dál lea vuoittáhallan guovtti dikkis, ja diggegolut leat gártan juo badjel 800 000 ruvnnu. – Barggan iežan rivttiid ovddas dassái go reastaluvan, lohká Peder Sokki. ČÁLLÁN JA GOVVEN: MÁRGGET JON BIRET ÁMMUNA ÁNNE BIRET – Šattan vástidit dán. Dál dat gal riŋge advokáhtta. Sihkkarit lea duopmu celkon dál, lohká Peder ja botke jearahallama. SÁMi ođasmagasiidna lea jearahallame Peder Sokki Pit Stop -boradanbáikkis, Guovdageainnus, go telefovdna čuodjá. Son lea áiddo lágastan stádain Hålogalándda lágamánnirievttis. Su advokáhtta Anja Jonassenis eai leat buori ságat. Peder lea vuoittáhallan.
Loahpas adde árbbi Pederii
Peder Sokki Ordda orohagas, Guovdageainnus, lea okta boazodolliin geat leat šaddan lágastit vuoigatvuođaideaset ovddas. Visot álggii das, go váhnen guovttos boarásnuvaiga ja soai vieljain jotkkiiga váhnemiid doalus. Viellja válddii badjelasas áhčis doalu ja Peder ges jotkkii eatnis namas dassái go boazodoallohálddahusas sihkastedje doalu. 1998:s oaččui Peder eagis doalu, muhto dalle easkka álge ge hástalusat. – Mun ožžon eagi doalu 1998:s, muhto hálddahus ii dohkkehan ahte mun dan oaččun. Sii lohke doalu heaittihuvvon, vaikko dat ii leat duohta. Eahki ii heaittihan doalu goassege. Son dušše vuvddii bohccuid go boarásnuvai. Dan rájes go eai dohkkehan ahte galgen beassat iežan árbbi oažžut, de lea 6
ášši jorran sihke hálddahusas, dalá guovlostivrras ja boazodoallostivrras. Easkka 2013:s de guovllustivra meannudii mu ášši, ja adde munnje eagi doalu. Dalle jáhkken ahte buot lea ortnegis, ja mun ledjen hui duhtavaš, muitala Sokki.
dán doalus leamaš guođohanrievttit 1700-logu rájes, čilge Peder.
Stevdnii stáda
Peder stevdnii stáda diggegoddái áššemeannudanboasttuvuođuid dihte.
Fáhkkestaga rivveje árbbi – Diggegottis lágastin áššeme– Muhto de fas čuožžiledje váttisvuođat. Eanandoallodirektoráhta ii registreren doalu ovdal 2015:s ja de dat nagodedje registreret dan áibbas ođđa doallun, čilge Peder SÁMi ođasmagasiidnii.
annudanboasttuvuođaid alde, go gohčodedje mu siidaoasi ođđa siidaoassin, iige árbejuvvon siidaoassin. Stáda logai sis paragráfa, man vuođul sáhttet jorahit boares siidaosiid ođđa siidaoassin, ja nu mun vuoittáhallen doppe.
Go doalu gohčodedje ođđa doallun, iige árbejuvvon doallun, de lágalaččat orohaga eará miellahtut šadde fáhkka bealálaččat ja sáhtte vuosttildit ođđa doalu, jus dáhtto. Viđas vuosttildedje ja 2016:s Eanandoallodirektoráhta njulgestaga sihkastii Pedera doalu oalát vuosttildemiid dihte. Peder gárttai oalát rivttiid haga.
Peder guoddalii ášši Hålogalándda lágamánniriektái, ja fylkkamánni mieđihii vuordit bákkus njuovvat Pedera bohccuid, dassái go ášši meannuduvvo lágamánnirievttis. Skábmamánu loahpas meannudii riekti su guoddaleami. Dál lea Peder vuoittáhallan nuppes.
– In oba ipmir ge movt direktoráhta nagodii jorahit árbejuvvon doalu ođđa siidadoallun. Dat han šattai justa nuppe láhkai go maid dalá guovllustivra lei mearridan. Eagi doallu lea leamaš 1978 rájes, dan rájes go stáda jugii doaluid boazosápmelaččaide. Go eahki heittii boazodoalus, son vuvddii bohccuid, iige ieš dan doalu. Mii leat maid nagodan dokumenteret ahte
– Dál de bođii diehtu mas juo ballen. Lean vuoittáhallan vuot. Dat leat rivveme buot mu rivttiid. Gal dat lea váivi go ná lea. In mun dal vuordán eambbo. Stáda bargá aivve vuostá boazodoalu ja visot daid boares rivttiid dáhttot sihkastit. Boazosámi rivttiid eai váldde oba vuhtiige. Dál ferten máksit áššegoluid, ja stádii vel bázii vealgi máŋga čuohteduháha. Balan reastaluvvat dál. Miljovnnat dat dása mannet, šuohkká son.
