KULTUVRA . KULTUR
SÁMi ođasmagasiidna . 48 . 2018
Juohke vahku mii ráhkadit reportáša sámi árbevirolaš eallimis man nu hámis. Nuorran lávejin šaddat eadnái riŋget ja jearrat movt ain galggan duon ja dán bargat, vaikkoba steiket suovasbierggu. Mii sávvat ahte don oainnát ávkin min čállosiid árbevirolaš doaimmaid birra. Dán háve mii leat leamaš Elen Marianne Utsi luhtte, go son steikesta suovasbierggu.
Mii steiket suovasbierggu
Suovasbiergu lea sáltejuvvon, ovdalgo heŋgejuvvui suovvasii. Danne lieggana hui jođánit go dan bidjá čáhcái. Go lieggana, de oažžu cáhpagoahtit. Jus dieđát ahte biergu ii leat nu sálttis, oaččut vuojain steiket bierggu ruittus. Jus lea sálttis, de gal fertet duolddahit oanehaččat čázis, ovdal go steikegoađát vuojas. Suovasbierggu ii dárbbat guhká steiket. Go oainnát ahte buot biergobihtát leat ruškkodan, dahje ahte dain ii leat šat rukses ivdni, de gal lea juo giksame. Suovasbirgui lea njálggat hui olu vuodja, mas beasat buotnjut láibevajahasa. Lassin vel vuoššastat buđehiid ja goivestat vel jokŋameasttu, de gal!
21
