Årets bøker

Einar Økland Einar Økland var ein av forgrunnsfigurane i det segnomsuste Profilopprøret, og ein av fornyarane av norsk barnelitteratur. Han har skrive ei rad med diktsamlingar og vidunderleg burleske essaysamlingar om stort – og helst smått. Han er også kjend som ein oppdagar og introduktør av gløymde eller bortgøymde fenomen, og er ein virtuos forfattar av for- og etterord. Sidan han debuterte som lyrikar i 1963, har Økland utgitt vel 70 eigne bøker, for alle aldrar og i alle tenkjelege og somme utenkjelege sjangrar. Til 70-årsdagen januar 2010 gav Samlaget ut ei ny novellesamling av Økland, Forteljingar og fablar frå andre tider, samtidig som 1968-boka, Vandreduene, kom i ny utgåve. Samlaget lanserte også boka Skriftfest. Einar Økland 70.