Por outra banda, Salimar tamén visitou outras feiras internacionais co obxectivo de avaliar o mercado dos pectínidos dun xeito máis global, xa que isto pódenos dar moita información acerca de que é o que o mercado busca e cómo ofrecerllo: >>
European Seafood Exposition 2011 (Bruselas)
>>
China Fisheries & Seafood Expo 2011 (China)
>>
International Boston Seafood Show 2012 (EEUU)
Visita de Salimar a China Fisheries & Seafood Expo 2011 (China)
A nivel de pectínidos en Europa cómpre salientar a importancia de Francia como mercado. O ano 2009 foi un ano récord para a vieira en Francia, con preto de 180.000 toneladas absorbidas (equivalente en peso vivo da producción nacional incluído) e importacións totais de máis de 210 millóns de euros. Ambos os dous, tanto o segmento de carnes frescas coma o de carne conxelada sen cuncha dispararon os prezos, impulsados tamén polo tipo de cambio. As evidencias informan de amplos espazos para a mellora en
48
térmos de desenvolvemento e estratexias de marketing de produtos. Pode ser o momento axeitado para que os provedores de pectínidos desenvolvan a súa vantaxe competitiva nun mercado crecente coma o francés, que valora os produtos de calidade coma os galegos. En concreto, os consumidores franceses son moi favorables para os pectínidos. A fortaleza do euro facilitou en gran medida o ingreso de productos frescos e conxelados desde o extranxeiro. No 2009, o país importou 5.833 toneladas de vieiras vivas e frescas (a maioría en carnes frescas sen cuncha) por un valor de 73 millóns de euros, en comparación con 4.809 toneladas por un valor 56 millóns un ano antes e 4.466 toneladas por valor de 50 millóns de euros no 2007. EE.UU. é o gran gañador desta tendencia á alza, con exportacións que explotaron desde menos de 4 millóns de euros no 2004, a 26 millóns de euros no 2009. As carnes frescas descunchadas de USA, sen ovas, atoparon o seu oco tanto para á venda polo miúdo, coma para os segmentos da industria alimentaria, nun mercado onde o produto local provén do Reino Unido, Pecten maximus, destacado grazas ao seu prezo competitivo. No 2009 o mercado minorista da carne fresca sen cuncha saltou nun 60% en comparación co 2008. Hoxe en día, as vendas de carne de vieira limpa en Francia representan o 65% das vendas de vieira fresca; o 35% restante véndese vivo. Desde Salimar cremos que é importante ter en conta a Francia coma un mercado de pectínidos importante, cercano e capaz de pagar por un produto de calidade. No segmento dos produtos conxelados, as importacións en Francia pasaron de 14.002 toneladas no 2000 a 22.142 toneladas no 2009. Francia merca vieiras conxeladas de todo o mundo, con cinco provedores principais no 2009: Perú, EE.UU., Arxentina, Chile e Canadá. A especie Placopecten magellanicus dos EE.UU. ten verdadeiro éxito, despois de 10 anos no mercado (os primeiros embarques remóntanse