L-IMPORTANZA FL-IŻVILUPP

permezz ta’ leġiżlazzjoni u qafas regolatorju jinħoloq ambjent fuq livell lokali li jwassal lill-Kunsilli Lokali jgawdu minn livell sodisfaċenti ta’ awtonomija fl-eżerċitazzjoni tad-dmirijiet u tar-responsabbiltajiet permezz ta’ riżorsi professjonali ikbar u aħjar. Il-kwalità fil-governanza lokali toħroġ ukoll fir-relazzjonijiet u fil-komunikazzjoni ma’ entitajiet oħra pubbliċi, mal-komunità kummerċjali u mar-residenti, li bosta drabi huma dipendenti fuq riżorsi għad-dispożizzjoni tal-Kunsill Lokali.

Sur Editur, Wisq drabi l-fomm ifut il-qalb, Sur Editur! Hekk kienet tgħid nannti, Alla jagħtiha l-glorja tal-ġenna. U ma jistax ikun hemm qawl li jiddeskrivi aħjar lil dawn tal-partit tagħhom. Ħafna eloġji u dlik bixxemgħa, qaddisin u santi, imma l-ħdura li għandhom f’qalbhom, Alla għad irid joħloq.

Il-parteċipazzjoni tar-residenti fid-deċiżjonijiet li jolqtu b’mod dirett u indirett il-kwalità talħajja tagħhom hija fundamentali għall-iżvilupp sostenibbli.

Dan il-bżonn huwa partikolarment importanti u rilevanti fuq livell lokali, fejn ir-resident joqgħod u jaħdem, fejn servizzi bażiċi jiġu offruti u fejn l-intrapriżi jinbtu u jissaħħu.

Ir-residenti allura għandhom interess komuni biex jiġu stabbiliti miri u biex isir xogħol konġunt sabiex jinstabu soluzzjonijiet, partikolarment għal servizzi aħjar u aktar effiċjenti, għal tqassim ta’ riżorsi aktar bilanċjati, għal integrazzjoni soċjali iktar bilanċjata, għal aktar akkontabbiltà u trasparenza f’entitajiet pubbliċi, inklużi mekkaniżmi ta’ responsabbiltà u akkontabbiltà.

Bil-vantaġġ li huwa konstantement viċin ir-resident, il-Kunsill Lokali iktar minn kull istituzzjoni oħra għandu jkollu r-responsabbiltà u l-obbligu li jitkellem f’isem ir-resident, li jimmobilizza s-soċjetajiet ċivili u fuq kollox ikun katalist tal-bidla.

Dan speċjamnet f’kuntest ta’ effiċjenza ikbar fl-amministrazzjoni pubblika, fl-iżvilupp aktar inklużiv, fir-relazzjonijiet ta’ għaqdiet tarraħal, għaqdiet mhux governattivi u organizzazzjonijiet oħra u għal soluzzjonijiet u għajnuna għal sfidi urġenti li jiffaċċjaw il-komunitajiet lokali. Dawn l-isfidi jinkludu l-esklużjoni soċjali, l-immigrazzjoni, il-faqar, nuqqas ta’ infrastruttura bażika u aċċess, urbanizzazzjoni mgħaġġla, sigurtà pubblika u problemi relatati ma’ vjolenza, abbuż, u nuqqas ta’ infurzar. Dan biex ma nsemmux l-effetti negattivi tat-tibdil tal-klima.

Governanza Lokali ta’ kwalità hija neċessarja biex jiġi assigurat żvilupp sostenibbli ekwu, b’ġid li jitqassam ma’ kulħadd, u tassigura wkoll proċess ta’ żvilupp effettiv u inklużiv.

Il-kwalità ta’ governanza tajba hija primarjament riżultat ta’ rieda politika mill-Gvern Ċentrali sabiex

It-tisħiħ tas-servizz pubbliku fuq livell lokali, permezz ta’ estensjoni tal-istess servizzi permezz tal-Kunsill Lokali, għandhom jiġu akkumpanjati b’tisħiħ fl-istrutturi governattivi lokali u investiment ikbar fl-amministrazzjoni u fil-kapaċitajiet tar-riżorsi umani.

Bl-istess mod għandhom jiġu msaħħa l-entitajiet l-oħra lokali li għandhom il-kapaċità u s-saħħa li jitolbu l-ikbar trasparenza u responsabbiltà. Għandu jiġi assigurat ukoll li l-Kunsilli Lokali jkollhom l-għodda u l-inċentivi meħtieġa biex jagħtu rendikont tal-ħidma tagħhom filħin u bl-akbar trasparenza possibbli lir-residenti tagħhom.

Dan għax f’kuntest ta’ prinċipju ta’ sussidjarjetà il-Gvern Ċentrali għandu jippromwovi r-rwol attiv tal-Kunsilli Lokali bħala awtorità governattiva li għandha sehem importanti u attiv fit-tfassil ta’ policies għal żvilupp nazzjonali u awtorità li tista’ tieħu deċiżjonijiet tagħha f’kuntest lokali bl-akbar livell ta’ trasparenza u akkontabbiltà għall-aqwa servizz ta’ kwalità fil-komunità.

Dan it-tisħiħ iwassal għal kontribuzzjoni u żvilupp lokali akbar f’oqsma bħall-ġustizzja soċjali, drittijiet umani u ugwaljanza, komunitajiet attivi, sehem ikbar tan-nisa, żgħażagħ u anzjani fil-komunità.

Il-parteċipazzjoni tagħhom fuq livell soċjali u politiku, il-ħarsien ambjentali, il-pjan urban lokali, l-introduzzjoni u l-implimentazzjoni tat-teknoloġija favur immaniġġjar aħjar u iktar effiċjenti, immaniġġjar ta’ mobbiltà sostenibbli, ħarsien u żvilupp ta’ assi pubbliċi jagħtu sens qawwi ta’ parteċipazzjoni u appartenenza. Dan kollu jrid isir bi trasparenza u akkontabbiltà, flimkien mal-entitajiet, mas-soċjetajiet u mal-assoċjazzjonijiet pubbliċi.

Dan huwa qafas ta’ żvilupp territorjali li huwa kkaratterizzat minn approċċ li jibda minn isfel u bi proċess fit-tul. Dan sabiex jifforma parti minn strateġija ta’ implimentazzjoni nazzjonali tal-Gvern Ċentrali. Gwidata mill-Kunsilli Lokali, din is-sistema territorjali għandha twassal għal titjib fil-kwalità tal-ħajja tar-residenti u tas-saħħa tagħhom.

Issa għalfejn qed ngħid hekk, Sur Editur? Ħa ngħidlek jien. Hemm skoss tagħhom li fetħu għajnejhom u qed jaraw li l-partit tagħhom spiċċa fix-xejn. Mhux biss għax għandu politika tal-kakka, imma għax hemm ponn nies li ħakmuh u jmexxuh huma. U ġabuh mandra. Irmied. U għalhekk ma jridux jafu aktar b’dan il-partit.

Skont l-Istilla ta’ Simon il-Busuttil, Salvu l-Mallia, dawk li jivvutaw għalina għandhom jiġu interdettjati miċ-ċittadinanza. U magħhom, allura skont dan il-ħsieb intelliġenti u mirqum anki dawk li telqu lillpartit tagħhom u qed jaħdmu għal pajjiżna.

Fosthom Ian l-Ispiteri, li kien Sindku tal-partit tagħhom ta’ Ħal Balzan u kien irreżenjalhom u telaqhom. U Anne Marie l-Muscat Fenech Adami li pprovaw iwarrbuha ’l barra mill-partit tagħhom u lil Ray ilBondin li kien kandidat tal-partit tagħhom. Issa għax dawn ingħataw xi inkarigu, u aċċettaw li jaħdmu għal pajjiżna, balleċ, tathom ġewwa sew. Indannaw.

Dawk li jaħsbu li huma l-krema tal-ġurnaliżmu, tax-Shit News, fetħu l-kanuni fuqhom. Għax dawn hekk, Sur Editur. Kontra kull min imiss mal-Gvern jew mal-partit tagħna. U attakkawhom xi ħaġa ta! Biex iħammġuhom. Għax se jaħdmu għal pajjiżna.

Ara naqra kif inhuma dawn il-qatta ħodor, Sur Editur. Aħseb u ara, bħalma ngħid dejjem, x’jagħmlu lilna l-Laburisti. Imma nsomma.

Taf kif iridu jirbħu dawn, Sur Editur? Billi jipprovaw jimminaw lil tagħna. U minkejja l-verità, ikomplu jegħrqu fil-gideb. Deħlin u ħerġin fil-qorti u għand il-Kummissarju biex jordnawlhom jinvestigaw lillpolitiċi tagħna. L-aħħar waħda kien fiha farsa sħiħa. Marru flimkien Bernard il-Grech u Adrian id-Delia, jordnaw lill-Kummissarju biex jinvestiga lill-Prim tagħna. O Ġesù!

Kien fihom għaxqa, deħlin u ħerġin mid-Depot tal-Pulizija e! Apparti li huma u deħlin kienu qishom wiċċ laskri! Marru jitkarrbu għand dak li jgħidu li m’għandhomx fiduċja fih u ma tgħaddix ġurnata li hija ġurnata li ma jirredikolawhx. Imbagħad marru għandu u ordnawlu jinvestiga lil Bertu tagħna. U morru sibu passatemp sura, x’kull waħda!

Sewwa qalulu tagħna, li t-talba li għamel dan Bernard il-Grech dwar il-Prim Ministru, biex jitressaq quddiem il-Qrati Kriminali u jintbagħat il-ħabs, mhi xejn għajr talba ta’ Kap tal-Oppożizzjoni li jaf li kulma jmur qed isir iktar irrelevanti.

X’kull waħda wkoll. Hekk iridu jirbħu l-gvern dawn il-qatta intamati. Issa biex tisma’ lil Melda tiegħi tiżbroffa, ci vuole ta! Għamlet waħda bħalhom din il-ġimgħa. Ħa nispjegalek, Sur Editur. Mela Melda tiegħi waħda minn dawk li kull filgħodu tisma’ l-quddiesa fuq it-televixin, f’nofsinhar tgedwed l-Angelus, qabel torqod tirreċta xi posta rużarju, għandha xi nofs tużżana qlub ta’ Ġesù u ta’ Marija bix-xemgħa quddiemhom, u anki waħda ta’ Ġuża Bugeja għandha. Id-dar tagħna qisha kappella ġabitha.

Mela din il-ġimgħa qiegħed nagħlef lill-kanarin fil-bitħa u smajt dulluvju ta’ kliem ħażin. Ikolli ngħid ġibdet xi waħda, għax ix-xemgħat ta’ quddiem is-santi ta’ fuq il-pożaplatti biswit il-bieb tal-bitħa rajthom inemnmu.

“X’ġara Meld?” staqsejtha.

“U mhux dan il-mitruħ minn gerżumtu! Skont l-għaref xejn mhu qed nagħmlu tajjeb aħna. Maqdar ir-riforma tal-kunsilli, qal li fallejna filLiġi tal-Pjattaforma, li aħna m’aħna qed nagħmlu xejn għall-ħaddiema, li ttraskurajna lil Għawdex, li liż-żgħażagħ mhux qed nagħtuhom opportunitajiet, li l-pensjonanti abbandunajniehom. Imbagħad ħareġ b’waħda mimlija għerf, għax qed jgħid li l-Gvern ma jafx kemm hawn bżonn latrini pubbliċi f’Malta. Ara kemm huma mesħa vojta dawn l-imbeċilli!”

Ma tatnix nifs.

Għad-dieħla!