As liñas de actuación que se plantexan necesarias para a consecución destes obxectivos son: >>
A nivel transformador, deseño dunha lina de limpeza e envasado de volandeira.
>>
A nivel comercial, desenvolvemento e difusión dunha marca diferenciadora e de calidade do produto que permita darlle un valor engadido no mercado.
Desde Salimar cremos que a clave do éxito dun produto destas características está en ofrecer un produto de calidade (volandeira das rías galegas) cun valor engadido (presentacións cuarta gama) e sempre a prezos competitivos con outros produtos similares do mercado, de aí a necesidade de automatizar a liña de elaboración e de unir esforzos para a súa difusión máis alá da comunidade galega.
4.1. Deseño dunha liña de productos a partir de volandeira da Ría de Vigo (Aequipecten opercularis). A participación de Salimar neste proxecto xorde da necesidade de facilitar e fomentar o consumo de diversas especies pesqueiras, introducindo novos alimentos cunhas características nutricionais idóneas, ao tempo que se valora un produto de consumo altamente tradicional en Galicia, a volandeira. Ao longo dos anos que Salimar leva no mercado, un dos seus obxetivos foi o de cambiar a materia prima foránea pola local. Non obstante, tal e como está concibida actualmente a extracción deste produto, sempre tivemos en conta todas as variables para que esto se chegase a producir: >>
O encarecemento que supón a depuración, fronte ao produto foráneo extraído de zonas A.
>>
A falta de uniformidade no talle e/ou o baixo talle do produto local.
>>
Baixo rendemento do produto local.
34
>>
Dificultades na limpeza da cuncha do produto.
Todos estes factores leváronnos a que, ata o de agora, non fose rendible efectuar un cambio de orixe da materia prima. É neste intre cando, ao xurdir a posibilidade de cultivar a especie, se nos abre unha porta para que a materia prima mellore a súa calidade e se converta nun produto rendible, tanto para o seu cultivo como para a súa transformación e comercialización en distintos formatos. Con este fin afrontarémos os seguintes obxectivos: >>
Deseñar unha liña de produtos a partir da volandeira da ría de Vigo, tendo en conta a experiencia que Salimar aporta, co fin de poñer no mercado un produto coas maiores probabilidades de éxito posible.
>>
Describir todos os requisitos necesarios para realizar e pór no mercado esta gama de produtos en distintos eidos: hixiénico-sanitario, produtivo, comercial...