medio de colectores baséase precisamente en subministrar un material filamentoso artificial no que teña lugar o asentamiento e metamorfose da semente. Cando hai unha poboación abondosa de volandeiras, no intre do desove xérase unha gran cantidade de larvas que, á súa vez, darán lugar á semente, se esta se atopa nun lugar axeitado no que fixarse. Velaí a importancia de coñecer o ciclo reprodutor. Este coñecemento é fundamental para determinar en qué data ou datas teñen lugar os desoves e cando deben de colocarse os colectores no mar, xa que se se colocan demasiado pronto, os colectores son colonizados por organismos indesexados que impiden e/ ou dificultan a fixación das especies de interese, mentres que se se fondean demasiado tarde, a semente xa que se terá fixado sobre outros susbtratos, polo que no se conseguirá ningunha fijación nos colectores que fondeemos. E non só cando, senón que tamén é importante saber onde, tanto la situación xeográfica na que colocar os colectores como a profundidade á que estes deben situarse.
Con respecto á profundidade de fondeo, observouse en estudos previos que a máxima captación ten lugar a profundidades de arrededor de 20 m, en colectores situados entre 0.5 e 3.0 m sobre o fondo.
3.4.2.- Os colectores O colector empregado para a captación de pectínidos é de dobre estrutura, e consta dun núcleo ou recheo filamentoso, no que se fixará a semente, colocado no interior dunha bolsa de malla fina, -no noso caso de 1.2 mm de lado-. O recheo funciona como substrato de fixación, mentres que a bolsa permite o paso das larvas e da auga de mar con alimento, pero evita que la semente se perda unha vez fixada, ya que adoita desprenderse do biso. Tralo fondeo, permanecerán no mar un período de 16 a 20 semanas, durante o cal a semente medra e acada un tamaño fácilmente manexable. A semente de talles inferiores a 10 mm é moi fráxil e de difícil manipulación sen causarlle fracturas.
Fondeáronse colectores en varios puntos da ría de Vigo, entre Rande e Cangas, tal e como se amosa na figura.
Situación dos puntos de fondeo dos colectores
16
Colectores preparados para o seu fondeo