— 55 — habitué l'isle de la Martinique le premier jour de septembre mil six cent trente cinq, où j'ay planté la croix, et fait arborer le pavillon de France et vos armes, soubz vostre bon plaisir. J'y ay faict ung fort, dont je vous envoyé ung petit plan qu'il vous plaira excuser, sy il n'est tracé comme je desire, n'ayant en ces lieux gens assez expertz pour y servir Vostre Eminence. Il vous plaira voyr la possession que j'ay prize, ensemble la commission que j'ay laissée en attendant vos ordres, Monseigneur. J'y ay posé en garnison cent cinquante hommes, garnys de munittion de guerre et de vivres, attendant qu'il plaise à Vostre Grandeur faire donner ordre qu'il soit envoyé les choses nécessaires pour la conservation de la dicte isle, comme le porteur de la présente pourra faire veoyr par les mémoyres qu'il dressera, scachant que la place est d'importance, et pour tirer ung grand avantage sur l'Espagnol. Monseigneur, je suys prest à m'embarquer pour, sous vostre bon voulloir, aller habituer la Domminique, quy est encore une bonne isle, scachant que les Engloys y ont ung grand desseing, mais j'espere les prevenir, et lorsque Dieu m'aura faict la grâce de venir au dessus de mon desseing, sy Vostre Grandeur, Monseigneur, me veult permettre, je me donneray le bonheur de m'aller prosterner aux piedz de Vostre Eminence pour vous rendre compte de mes actions, comme estant celuy quy ne desire estre au monde que pour se rendre capable de rendre quelque service quy puisse estre agréable à Vostre Grandeur, et attendant avecq impatience la fellicité de vous pouvoir veoyr, je me diray, Monseigneur, pour jamais celluy qui désire d'estre et sera de Vostre Éminence, « Le plus humble, obeissant, affectionné serviteur et subject. «
D'ESNAMBUC.
* De vostre isle de Saint-Christophe, le 12 novembre 1635. »