— 96 — e
treiz et tous aultres frais et loyaulx cousts ; seulement parce qu'il a esté stipulé que ledit sieur de Touberville ne pourra emploier pour les réparations de ladite terre, en plus advant, que la somme de trois cents livres durant lesdits six ans advenant, lequel ratrait il sera tenu rendre auxdits vendeurs tous les papiers concernant les debtes ci dessus, ensemble ceux qui seront mis en ses mains des autres debtes, qui seront racquittées desdits trois mille livres comme quittes et cassés, en laquelle présente vendue sont compris ce qui peut estre deub du passé à cause des rentes seigneuriales treizièmes et autres deniers casuels, escheubz audit fief, à quoy lesdits sieurs et damoiselle vendeurs ont subrogé et subrogent ledit Sr de Touberville en tous leurs droitz pour les rechercher, et autrement les quitter et remettre et en faire et disposer, comme de chose à luy appartenant, renonçant à jamais y prétendre ni demander auculne chose en plus avant que les fermages de ladite terre qui en sont escheubz et escherront, jusques à Noël prochain, et sans que lesdits Srs et damoiselle vendeurs puissent répéter sur ledit sieur de Touberville la somme de douze cents livres ou viron qu'il peut avoir cy-devant receubz des fermiers et autres redevables desdits Srs vendeurs, et de son dit frère, en oultre les frais par lui faits à la poursuite du recouvrement desdits donze cents livres, laquelle somme de douze cents livres ou viron, demeure au profit dudit sieur de Touberville, sans estre tenu en
rapporter aulcune chose comme
estant confondue dans
lesdites debtes ci-dessus quittées; — et moyennant oultre la somme de cent livres pour le vin du présent marché que lesdits Srs vendeurs ont confessé avoir eubz et receubz comptant dudit sieur acquisiteur, et dont ils se sont tenus pour payés, et promis pour eulx iceulx frères Bellain ensemblement et l'un seul pour le tout sans division, garantir le présent acqui-