—
85
—
guerres du temps passé, droict de prendre du bois aux forestz du Traict et Maulevrier pour ardoir et maisonner à l'usaige de mon hostel et manoir dudict lieu d'Allouville par la livrée du verdier (1) desdictes forestz ou de son lieutenant, et le bois se en estant et gesant et le vert en gesant, franc pasnaige (2) pour les pourceaulx de mon diet manoir quant pasnaige y escheoit, franc pasturaige pour toutes mes bestes ; avec toutes les autres droictures, que les menuz coustumiers ont accoustumé prendre et avoir ès dictes forestz. Et si m'appartient le patronnaige et droict de présenter en l'église sainct Quentin dudict Allouville alternatifvement entre l'abbé de sainct Wuandrille et moy. Et y présentons ledict abbé et moy chacun à son tour, et à moy appartient y présenter la première fois qu'elle sera vaccante. Et ay droict de commettre homme suffisant pour tenir et régenter les escolles dudict lieu d'Allouville toutes fois que le cas le requiert et le siége vaccant. Et au droict de mon dict fief ay droict de passer franchement moy et mes gens au basteau de passaige et port de Caudebec en la rivière de Seine. Et à cause du quel fief je suis franc de paier aucune coustume en la dicte ville de Caudebec. Et si m'appartient le forage (3) du vin et autres boissons qui se vendent et distribuent audict lieu et parroisse d'Allouville. Mesmes à cause d'icelluy fief Robert Dumesnil, escuier, en tient de moy ung huitiesme de fief noble, nommé le fief Dumesnil, avec toutes ses appartenances et appendances, et n'en doibt fors hommaige de bouche et de main. (1) Garde ou préposé. (2) Taxe sur les porcs. (3) Droit de gouter le vin et d'en prendre une certaine quantité à la mesure.