Kaligila

Annou, annou.

Méréia ka senyé chié kouri. Men Kaligila, kon an zannimo ka solibodouvan, ka vougaré’y an mitan sèn-lan, ka vréyé’y alé asou an chèz-an-londjè ek, apré an ti moman goumen, i ka profondé poban-an anmitan dan’y épi i ka pété’y afòs kout tjòk. Apré détwa soukwrad-kò, fidji’y plen dlo ek san, Méréia ka mò.

Kaligula ka viré doubout ek ka suiyé machinalman dé lanmen’y.

Ba Sézonia, i ka poté an mòso poban Méréia-a.

Sa sa yé? An chinitref?

Sézonia, nofwap.

Awa, Kaligila. Sé an rimed pou djéri loprésion.

Kaligila, ka gadé Méréia, apré an péla.

Sa pa ka fè ayen. Sé menm bagay-la. Tibren pli bonnè, tibren pli ta...

I pran chimen déwò blipman, kontel lè i otjipé, ka suiyé dé lanmen’y toujou.