230
LA
GUYANE
FRANÇAISE.
Pas moins, ani li té levé, Femme pas ni engnien pli pressé, Allé la case macoumè li, Pou conté ça qui té rivé : Dit nhomme li té ponne yon gros zé. Soulagé khè li et pati. Ma coumè là té fè sèment Pas palé ça pou yon vivant. Mais, ani femme là té pati, Li conté ça pou toutt parent, Pou toutt zami li. A présent, Au lié li dit yon zé, dit dix. A la fin la jounein, n'homme là Té ponne yon pagnien samboura. Chose yo ka palé, ka longé : Yonne dit li té ponne zé léza, Lautt zé codeinne, lautt zé cana : Té tini toutt sôte qualité Femme là ranne nhomme li malhéré, Làdans zoreille nèg ça tombé; Ça té fini ! pas ni pessonne Qui de ça pas tanne yo palé. Et toutt ti mamaille pouend chanté : C'est yon zé codeinne nhomme là ponne
Quand zott ni qué chose pou palé, Fè attention ça qu'a conté, Si zott pas vlé toutt moune save li. Zott save toutt moune aimein causé, C'est pou ça i faut pas blié Zoreille pas tini couvée