FABLE CRÉOLE LES FEMMES ET LE SECRET.
Pas ni engnien qui Ka pesé Com yon parole ou doué gardé. Yo dit négresse faibe côté là, Ça voué ; mais poutant pou palé, Yo pas faibe passé femme béké. Et moin Kalé fé zott voué ça. Yon jou té ni yon négociant, (Moins ka palé zott gens long-temps, Faut pas pessonne prend ça pou yo), Qui té vlé voué en badinant Si femme li té aimein cancan.... Si mouche-à-miel aimein sirop!... Dans la nuit, quand yo té couché, Nhomme là coumencé ka crié, Femme là lévé, — « Pas dit pessonne, Nhomme là dit li, ça qui rivé, Gadé, machè, tein'mi yon zé Tout-à-lhè nhomme ou sôti ponne. » I faudrait femme té pli savant Passé yo yé, pou voué, la dans Yon chose com ça, yon cabouia. Tala dit : « Moin ka fè sément Pas dit. Ou pé ba moin boucan Si moin palé quéquin de ça. »