Hollur bakstur fyrir jólin

Jólin nálgast, margir eru farnir að huga að jólabakstrinum og langar mig því til þess að deila með ykkur tveimur jólauppskriftum. Það er fátt notalegra í desember en að dunda sér við jólabakstur og gæða sér á smákökum en sjálf hef ég mjög gaman af því að hollustuvæða hefðbundnar jólauppskriftir og færa þær í nýjan búning. Ég legg mikið upp úr því að nota gæða hráefni og velja hollari sætuefni og hefur úrvalið sjaldan verið betra af hollum vörum sem hægt er að nota í jólabaksturinn.

Þessi smákökuuppskrift er í miklu uppáhaldi hjá mér og vekur upp góðar minningar því það hefur alltaf verið hefð hjá fjölskyldunni minni að hittast öll saman fyrir jólin og baka saman hnetusmjörs smákökur hjá ömmu og afa í Ragnarsbakaríi. Þessar hollu hnetusmjörs- og súkkulaðibitakökur eru einfaldar og fljótlegar ásamt því að vera afar gómsætar.

1 bolli fínt hnetusmjör Himnesk Hollusta 1/3 bolli hunang Bunalun (má vera ¼ b) ½ bolli 70% súkkulaðidropar Cavalier 1 tsk matarsódi 1 egg grasalaeknir.is asdisgrasa

1. Hitið ofninn í 175°C. Hrærið saman í skál öllu nema súkkulaðidropunum, þar til myndast þykkt deig. 2. Hrærið því næst út í súkkulaðidropum með sleif (bætið við 1 msk af súkkulaðidropum til að setja ofan á kökurnar). Það má líka nota saxað súkkulaði að eigin vali eða sleppa því að setja súkkulaði út í deigið og setja eingöngu súkkulaði ofan á. 3. Setjið ½-1 msk af deiginu á bökunarpappír á ofnplötu. 4. Bakið í 10-12 mín (eða ögn lengur ef þið viljið hafa þær aðeins stökkari) þar til smákökurnar eru farnar að taka smá lit, takið þær úr ofninum og látið kólna í 10 mín. Þær stífna aðeins við það að fá að standa.

Heitt jólakakó sem inniheldur kollagen er saðsamur og ljúffengur jóladrykkur sem gott er að ylja sér á og njóta á köldum vetrardegi.

50 g 70% súkkulaði 250 ml möndlumjólk Isola 2 skeiðar Collagen Creamer vanilla 3-5 dr maple stevía Now ¼ tsk kanill Himnesk Hollusta

1. Hitið mjólkina að suðu og lækkið svo hitann. Brytjið súkkulaðið út í heita mjólkina og hrærið þar til súkkulaðið hefur bráðnað. 1. Bætið kollageni, kanil og stevíu út í, hrærið vel og leyfið að malla saman. 1. Uppskriftin dugar í 2 litla bolla eða 1 stóran bolla. 1. Gott að toppa með þeyttum rjóma.

5. Í stað hunangs má nota ½ bolla af hrásykri eða kókóspálmasykri. Nota má

Maple sirop frá GoodGood ef þið viljið hafa smákökurnar sykurlausar. 6. Hvítir súkkulaðidropar frá Änglamark eru líka góðir fyrir þá sem vilja. 7. Það má einnig nota 1 hörfræjaegg (flax egg) ef fólk kýs að sleppa eggjum.