Årets bøker

Frode Grytten Frode Grytten (f. 1960), prislønt og kritikarrost for sine romanar og noveller, er frå Odda og bur i Bergen. Bikubesong, frå 1998, vart hans store gjennombrot. Boka vann Bragepris og vart også nominert til Nordisk Råds litteraturpris.

I Gryttens bøker er det vanlege livet skildra med uvanleg energi.

Varmen i stilen gjer det mogleg å følgje karakterane inn i dei mest hudlause situasjonar. Og hos Grytten er smerta alltid tett knytt til latteren. I forfattarskapen kan vi følgje vegen frå medrivande barndomsskildringar til kompliserte kjærleikshistorier.