Ua sason mès! Qui ac auesse dit atau e com se presentaue en mes de deseme! E ara fin auem auut de tot: bona nhèu e bona companhia. Abantes de tot voi arregraïr er esfòrç e era dedicacion des entrenadors deth Palhars, pr´amor gràcies ada eri auem auut ua sason ena qu´es mainatges an gaudit der esquí en tot apréner. Dar es gràcies tanben as pairs que an darrèr an confien en CAEI-Palhars. Gràcies pera sua regularitat, paciéncia e esfòrç. Hè ueit sasons que sò entrenadora d’aguest club e cada an que passe i a mens mainatges en Palhars, e ei domatge veir coma gent qu’ac a tant apròp non gaudisque deth que li aufrís era nhèu e eth club: apréner en tot gaudir e hènt amics. Entà jo er esquí ei un espòrt a on ès en contacte damb era natura e a on aprenes causes coma compartir, eth trabalh en grop, era disciplina……..A part de potenciar diferenti aspèctes dera salut fisica e mentau pròpria. Des dera dera seccion deth Palhars ac podem hèr d’ua manèra mès familhara e propèra e per açò vos animi a convidar as amics, coneishudi e vesins a coneisher-mos e participar damb nosati entà poder créisher e mielhorar sason a sason. Ademès der esquí, tanben sajam qu’es mainatges coneishen mès causes, coma per exemple era utilizacion d’ua “arva” o ua “sonda”. Sustot es mès grani e dempús d’auer-se metut tan de mòda eth Freeride, atau ac pòden practicar damb eth materiau adequat e podé’c hèr a servir. En Setmana Santa aprofitam e, depenent de coma ei era nhèu, hèm activitats dehòra d’aguesta, com rafting, barrancs, excorsions, bicicleta……que mos permeten contunhar gaudint dera natura. Demori qu’era pròplèu sason sigue parièra o melhor qu’aguesta e pogam aufrir as sòcis un ample ventariòu d’activitats ena nhèu damb es que poscam gaudir tant es petiti coma es adults. Lutaram peth Palhars!
Silvia al Can
ALPINO | 21