esfòrç e constància Quan acabe era sason e, coma entrenadors mos metem a avalorar era evolucion qu’an agut es nòsti joeni esportistes, tostemp auem diferenti critèris. Eth tractar-se de mainatges entre 8 e 11 ans eth vantariòu de critèris ei fòrça ample, pòt anar des dera mielhora tecnica e fisica, enquiara actitud, comportament, constància, esfòrç… E ei ad aguesti darrèri valors a on volia centrar aguest article, ena actitud qu’an agut totes es alevines e alevins, tant enes entrenaments coma enes diferentes competicions. Er esquí coma toti es espòrts ei diversion mès, tanben esfòrç entà seguir progressant. Constància e perseverància entà seguir lutant quan es causes non mos gessen com volíem. Esfòrç e constància entà quedar-se toti es dissabtes enquias quate dera tarde
entrenant. Esfòrç e constància entà pujar es dies de mau temps e heired. Compréner que cau superar aguestes circonstàncies entà mielhorar e hè’c positivaments, damb alegria e sense imposicion, damb ganes, en tot descurbir qu’era grandesa deth nòste espòrt ei que forme part dera montanha e dera natura. E se n´an dat compde qu’ era diversion, er esfòrç e era constància van dera man. En resumen felicitar a tot eth grop d’alevines e alevins pera sua actitud exemplara pendent tota era sason.
Oriol Guinart ALPINO | 19