ne Ne nhèu, uesti g a d A . . . aigua a qui i n o n s e mainatg !! l es ar t u r e Ei estonant qu’entà jo que practiqui aguest espòrt des de hè tant temps que se me hèsque tan complicat explicar e transméter es sensacions que genère eslingar-se pes pendents nheuades. Ei imatge de cada dia ena estacion, veir gent que se meravelhe vedent as mès petiti eslisar sus era nhèu, damb diferenti nivèus, tecniques, mès damb era madeisha e inexplicabla cara de satisfaccion e gòi. Des d’aciu voi díder que toti es monitors de prealevins, Carles, Javi, Ori, Erik, Bertrán e Ruth, èm fòrça satisfèts damb es resultats obtengudi ara fin de sason, pr´amor des de que començam eth nadau enquiath darrèr dia auem gaudit damb es mès petiti. E coma recompensa ath bon trabalh qu’an realizat auem hèt damb eri diferentes activitats coma mushing, raquetes, hons en tot participar ena corsa Naut Aran, e fòrça mès jòcs pendent tota era sason, a on an gaudit e aprenut ath madeish temps. Entà finalizar er article voi transmeter-vos es comentaris qu’es mès petiti m’an transmetut pendent era sason, sus coma les agradarie que siguesse eth sòn monitor. Vòlen monitors amables, divertidi, simpatics e esvagadi, pr´amor que s’un professor ei simpatic pòs arrir damb eth per contra s’aguest ei engüegiu te contagie eth sòn estat d’ànim, s’es monitors son divertidi e alegres te contagien aguesta sensacion. Vòlen qu’es monitors agen imaginacion e siguen intelligents entà que les expliquen causes interessantes. Des deth mèn punt d’enguarda se les ensenham damb energia eri aprenen damb mès illusion.
Fòrça an frairs màgers o petiti, uns vòlen èster com eri, uns auti vòlen èster un bon exemple entàs auti e entad açò an de besonh qu’es monitors agen fòrça ganes d’ensenhar e eri d’apréner, entà superar-se ada eri madeishi. Se senten erosi quan les metem rèptes e eri madeishi les supèren e sustot se se les felicite e se les abrace, e quan s´equivòquen que se les dongue conselhs entà mielhorar e non escridassar-les. Qu’abans de tot er esquí ei diversion e vòlen gaudir damb es amics e hèr causes divertides. De tot açò jo è aprenut que quan ara fin de sason un petit ditz que vò contunhar esquiant, aprenent e qu’era pròplèu sason mos vedem, ei eth mielhor present que mos emportam es monitors. Erós estiu entà toti, mos vedem era pròplèu sason!!
Ruth Barella ALPINO | 17