Enguan en grop de juvenils auem artenhut formar un grop omogèni, integrat per 4 gojates e per 8 gojats, e dirigidi per 2 entrenadors, Eduardo Puente e Miguel Mampel, que maugrat era nòsta joenessa, auem artenhut formar un grop fòrça junhut. En aguesta categoria de juvenils, se da un saut de qualitat respècte ara anteriora, çò que tanben implique fòrça mès dedicacion per part des corredors e que hè que se cree era categoria de “ciutadans” que son toti aqueri esquiaires que non passen a cap equipa nacionau ne centre de tecnificacion. Aguesta sason comencèc damb fòrça problèmes de nhèu en Baqueira, causa que mos obliguèc a realizar ath principi entrenaments fisics ena val pendent eth pònt e bèra gessuda ara estacion vesia de Boí Taull entà poder guanhar ores d’esquí. Per sòrt ua bona nheuada abantes deth nadau, deishèc en Baqueira es perfèctes condicions entà començar es entrenaments. Enguan es nòstes corses mès importantes an estat es Cts. d’Espanha de Ciutadans, qu’an cambiat eth format respècte d’ans anteriors e an estat plaçadi en dues corses ja assolidades laguens deth circoït, coma son eth Top CAEI ena modalitat de Gigant, a on María Ucelay e Eduardo Puente artenheren era medalha d’aur, e en Derby Internacionau de Ciutadans ena Molina ena modalitat d’Eslalom, a on María Ucelay repetic damb un aute aur e
Antxon Isusi se hec damb er argent. M’agradarie destacar er esfòrç que deuen hèr es pairs d’aguest grop, pr´amor qu’era majoria d’eri son de dehòra dera val e entà desplaçar-se ara grana quantitat de corses qu’a eth calendari de juvenils (lèu totes eres an estat ena Molina ) e que sense eth sòn esfòrç non auéssem pogut portar a bon tèrme aguesta sason. Fin finau, cau destacar que finaument aguest grop ath costat dera rèsta de corredors ena categoria juvenila e sènior deth CAEI auem artenhut guanhar era 29au Liga Catalana de Clubs Absoluts •Juvenils •Ciutadans, çò qu´ei un gran èxit entath club.
Miguel
Mampel ALPINO | 15