ESKOLATIK MAILOPERA: Ibarberri eskolako inauteriak

eskolatik mailopera

Ibarberri eskolako inauteriak

Gu Ibarberri eskolako 3. maila A taldeko ikasleak gara. Otsailaren 14an eskolan inauteriak ospatu genituen, Lekunberriko inauteriei hasiera emanez.

Aurten Nafarroako Inauteriak gaia izan genuenez, Nafarroako herri desberdinetako pertsonaia eta dantzak ezagutzeko eta lantzeko aukera izan genuen.

Gu, 4. mailakoekin batera, Larraungo inauterietako pertsonaiez mozorroturik atera ginen: mutilak Landarrez eta neskak mutilaren mozorroa jantzita.

Haur txikienak Kaldereroz atera ziren eta Lantz herriko Txatxoek, Luzaideko Bolantek eta Tuterako Zipoteroek beraien dantzak eskaini zizkiguten. Attezarko izan genuen desfilearen buru eta joaldunen joare soinuek eman zioten hasiera jaialdiari.

Kalejiran joan ginen herriko kaleak alaitasunez betez eta plazan dantza eginez eta merienda goxo batekin eskolako inauteriei agur esan genien.

Festak hurrengo egunean jarraipena izan zuen Lekunberrin eta iluntzean Attezarko erretzearekin batera, inauteriak datorren negura arte agurtu genituen.

3. maila A taldeko ikasleak

ZABORRA NON-NAHI

Lekunberriko EH Bilduk Toki-Alai Sagardotegiaren atzealdeko eremu urbanizatuaren egoera agerian utzi zuen azken udalbatzan eta alderdiaren sare sozialen bitartez. Gero eta nabarmenagoa baita bertan pilatzen den zaborra.

ERLEZAINTZA IKASGAI

Erlezaintza eta eztigintzari buruzko hitzaldia eskaini zen joan den hilean Larraungo AEK euskaltegian. Ekitaldiz betetako hilabeteak dira hauek eta talde txikia gerturatu bazen ere, oso adi entzun zituzten Felix Olaetxearen eskutik jasotako azalpenak.

bertso berriak Mailoperi jarriak: Luis Mari Larreta (Aldatz)

Doinua: Gizona da zoroa.

Nafarroan barrena Bardoak abesten bai bai ala zebiltzek baten eta besten jarrai behar diagu euskera babesten hola jarraiko diau guztiok amesten.

Rimaz betea zeok mingainan azpia eta emango diagu dakigun guztia gu babesten zebilek Larraungo herria ea lortzen diagun bigarren zapia.

Hurrengoantzako puntua: Koronabirusakin a zer iskanbila

Oinak: urdina, ezina, zikina, berdina

FESTA ASTIZKO ATERPETXEAN

Astizko Aterpetxeak urteko festa ospatu zuen joan den otsailaren 8an. Ehun lagun baino gehiago elkartu ziren bazkarian eta ondoren, Fermin Balentzia, Lur Jota eta beste hainbat talderen kontzertuekin giro ederrean pasa zuten arratsaldea.